ILOILO CITY – Nagpasar sang resolution ang Iloilo City Council agud nga hatagan sang authority si Iloilo City Mayor Jerry Treñas nga pirmahan ang agreement sa tunga sang Iloilo City Government kag Panay Electric Company.
Ini ang kasunod sang pagbayad sang Panay Electric Company sang P134.9 million nga Real Property Tax.
Sa interview sang Bombo Radyo kay Iloilo City Councilor Eduardo Peñaredondo, iya ginpahayag nga ila ginhatagan sang pahanugot si Treñas nga pirmahan ang agreement bangud sa pila ka mga rason.
Suno kay Peñaredondo, ila anay nga gin isa-isa ang mga legalidad apang matapos ang pagpaathag nanday City Treasurer Jinny Hermano kag City Legal Officer Atty. Edgar Gil, ila nga ginpasar ang resolution.
Nahibalu-an nga kahapon, ang principal amount lang anay ang ginbayaran sang Panay Electric Company bangud nga wala pa nasuma ang interes nga dapat pa bayaran.
