ILOILO CITY – Dismayado ang Presidente sang Association Barangay Captains sa Distrito sang La Paz matapos nga tatlo gid lamang ka barangay ang nalakip sa gindeklarar nga drug-cleared sang Regional Oversight Committee.
Sa interview sang Bombo Radyo kay Punong Barangay Marjorie Gregorios sang Lopez Jaena Norte, La Paz, Iloilo City, iya ginpahayag nga sa 27 ka barangay nga ulihi nga gindeklarar nga drug-cleared, wala gid sang may nalakip sa distrito sang La Paz.
Suno kay Gregorios, sa iya mismo nasakupan nga barangay, may yara sang duha ka identified drug personality ang wala nakapaidalom sa drug rehabilitation.
Ginpahayag ni Gregorios nga mahimo nga ini ang rason kun nga-a wala nalakip ang Lopez Jaena Norte sa drug-cleared barangay.
Sa subong, ginatutukan sang Punong Barangay kun paano mahingyo ang duha ka drug personality nga magpaidalom sa drug rehabilitation agud dalayon na nga makabiya sa bisyo.
