ILOILO CITY – Pagpasangkad sang information dissemination ang rason kun nga-a isa sa mga drug-cleared barangay ang Magsaysay, Iloilo City.
Sa interview sang Bombo Radyo kay Barangay Kagawad Catalino Palomo, iya ginpahayag nga ginpatawag ang tanan nga drug personalities kag ginpahangop kun nga-a dapat sila nga magpaidalom sa drug rehabilitation.
Suno kay Palomo, ginpaandaman ang mga drug personality nga kun indi magsungka kag magpaidalom sa drug rehabilitation, mas maayo na lang nga indi sila magtinir sa Barangay Magsaysay.
Ginpahayag man ni Palomo nga magluwas sa drug-clearing operations, ila man nga gintutukan ang pagpatuman sang Oplan Hawan ilabi pa nga madamo sang sidewalk vendor ang nagabalik-balik bisan pa nga makapila na ka bes nga ginpahalin.
