BAROTAC VIEJO, ILOILO – Patay ang mag-amay sa Barangay Natividad, Barotac Viejo, Iloilo sang nabunggu-an sang Ceres Liner bus ang ila ginasakyan nga motorsiklo.
Ang mga biktia amo sanday Sammy Baterbonia, 52 anyos sang Sto. Domingo, Barotac Viejo kag ang iya menor de edad nga anak nga babaye.
Samtang ang driver naman sang ceres bus amo si Jonard Arrelado, 52 anyos, sang Sara,Iloilo.
Sa interview sang Bombo Radyo kay Police Major Ciriaco Esquilarga, hepe sang Barotac Viejo Municipal Police Station, iya ginpahayag nga nag ledt turn ang motorsiklo sang nabungguan ini sang bus.
Suno kay Esquelarga, ang menor de edad nga anak ni Baterbonio ang naga-angkas mismo sa motorsiklo sang iya amay sa diin nagasundanay lamang sila sang bus padulong sa direksyon sang Carles.
Sa subong, nagapabilin sa presohan ang driver sang ceres bus.
