ILOILO – Nagpanghatag sang relief goods ang Iloilo City Government sa mga naapektuhan sang bagyo Ursula sa Northern Iloilo.
Kadungan sang relief operations, personal mismo nga nag-upod sa inspection si Iloilo Governor Arthur Defensor Jr. agud makita ang sitwasyon sang mga pumuluyo sa probinsya sang Iloilo.
Sa interview sang Bombo Radyo kay Defensor, iya ginpahayag nga 100 ka sako sang bugas ang ginpanghatag lakip na ang canned goods kag noodles.
Suno kay Defensor, sa iya personal assessment, ang iban sa mga banwa sa Northern Iloilo ang apektado sang baha apang may iban naman nga naapektuhan tuga sang mamadlos nga huyop sang hangin.
Ginpahayag ni Defensor nga magluwas sa mga naguba nga balay kag imprastraktura, naapektuhan man ang sektor sang agrikultura kasubong sang humayan kag kamaisan.
Sa subong, ginahulat ang kumpleto nga report gikan sa nagkalain-lain nga Local Government Unit agud nga mahibalu-an ang balor sang halit nga tuga sang bagyo.
Kun kulangon ang relief goods suno sa natungdan, mahimo nga gamiton ang emergency fund sang Iloilo Provincial Govenrment.
