ILOILO – Nabatyagan sa nagakalain-lain nga bahin sang Iloilo ang mabaskog nga linog sa sulod sang pila ka segundos subong nga gab-i.
Suno sa Philippine Institute of Volcanology and Seismology, ang sentro sang linog ang yara sa San Enrique, Iloil.
Magluwas sa Iloilo kag Capiz, nabatyagan man ang pagtay-og sa iban pa nga bahin sang Western Visayas.
Ang linog sa San Enrique, Iloilo ang tectonic in origin kag may kadalumon nga 14 km.
Bangud sa nabatyagan nga kabaskog sang linog, ang mga mall goers ang nagkinaran-karan paguwa sa mall.
Ang mga empleyado sang pribado nga kompaniya ang naghingagaw sa paguwa sa ila ginatrabahuan agud nga makalikaw sa disgrasya.
Magluwas sa Western Visayas, nabatyagan man ang linog sa iban nga bahin sang pungsod.
Intensity II:
President Roxas, Capiz
Intensity III:
Iloilo City, La Carlota City, Negros Occidental kag Bacolod City
Intensity IV:
Tapaz, Capiz, Passi City kag Dingle, Iloilo
