ILOILO CITY – Ipakigbato gid ni Iloilo City Mayor Jerry Treñas nga indi paggamiton ang public plaza bilang palangabuhi-an sang pipila ka indibidwal.
Sa interview sang Bombo Radyo kay Mayor Treñas, iya ginpahayag nga handa siya nga panginmatyan agud lamang nga indi mahimo nga massage parlor ukon nail salon ang mga public plaza.
Suno kay Mayor Treñas, indi dapat madula ang matuod nga katuyu-an sa pagtukod sang public plaza.
Ginpahayag sang alkalde nga iya gid nga tindugan ang kawsa para sa kaayuhan sang syudad sang Iloilo.
