ILOILO CITY – Plastado na ang deployment sang mga personnel sang Iloilo City Police Office buwas nga adlaw may kaangtanan sa pagsaulog sang bag-ong tuig.
Sa interview sang Bombo Radyo kay Police Colonel Martin Defensor Jr., director sang Iloilo City Police Office, iya ginpahayag nga nagsugod na sa paglibot ang tagsa ka mga station commanders sa ila man tagsa ka Area of Responsibility agud nga magpanagtag sang Iinformation, Education and Communication materials para sa hilway nga pagsaulog sang bag-ong tuig.
Suno kay Defensor, target sang Iloilo City Police Office ang zero firecracker kag stray bullet incident subong nga 2019 sa diin sa sulod sang 24 oras nga indi masolbar ang kaso sang stray bullet, iga-relieve ang station commander santo sa mandu ni PNP OIC Police Lt. Gen. Archie Gamboa.
Ginpahayag ni Defensor nga sa deployment, may yara sang duha ka shifting nga tag-14 hours sa diin naman ang tagsa ka area sa diin dapat may yara sang police deployment.
Sa subong, ginpahayag sang natungdan nga wala pa sang firecracker ukon stray bullets related incidents nga na record may kaangtanan sa pagsaulog sang bag-ong tuig.
