ILOILO CITY – Nakahatag na sang food kag non-food items ang Iloilo City Government sa mga nasunugan sa Zone 4, Brgy. Sambag, Jaro, Iloilo City.
Sa interview sang Bombo Radyo kay Iloilo City Mayor Jerry Treñas, iya ginpahayag nga naglab-ot sa 125 individual ukon 24 ka pamilya ang nasunugan sang Enero 1.
Suno kay Treñas, ang food and non-food items ang naghalin sa Department of Social Welfare and Development kag City Social Welfare and Development Office.
Ginpahayag ni Treñas nga mahimo nga mahatag naman ang fiancial assistance para sa mga nasunugan sa diin indi pa niya mahibaluan kun pila ang para sa may partially kag totally damaged nga balay.
Santo naman sa City Disaster Risk Reduction and Management Office, nagalab-ot sa P7,000 ang para sa partially damaged P10,000 naman para sa totally damaged.
