ILOILO CITY – Pasado na sa Sangguniang Panlungsod ang pagpatukod sang Tricycle Franchising and Regulatory Board.
Sa interview sang Bombo Radyo kay Iloilo City Councilor Romel Duron, iya ginpahayag nga ginhingagaw sang konseho nga mapasar ang Tricycle Franchising and Regulatory Board agud man nga maplanuhan gilayon ang masunod nga tikang para sa mga tricycle nga nagabiyahe sa syudad.
Suno kay Duron, si Iloilo City Mayor Jerry Treñas ang magaserbe bilang chairman sa Tricycle Franchising and Regulatory Board samtang ang natungdan naman amo ang Vice Chairman.
Sa idalom sang Tricycle Franchising and Regulatory Board, magaserbe bilang miyembro amo ang Iloilo City Planning and Development Office, Public Safety and Transportation Management Office, Business Permit and Licensing Office kag ang Tricycle Federation sa syudad.
