ILOILO CITY – Ginahulat na lang ni Iloilo City Mayor Jerry Treñas ang feedback sang Public Safety and Transportation Management Office may kaangtanan sa pagpatuman sang Traffic Discipline Zone sa Sen. Benigno Aquino Jr. Avenue, Mandurriao, Iloilo City.
Ini matapos nga ginmandu na ni Treñas nga ipatuman na ang Traffic Discipline Zone umpisa Enero 1 subong nga tuig.
Sa interview sang Bombo Radyo kay Treñas, iya ginpahayag nga wala pa sang feedback si Mr. Jeck Conlu kun ano na ang status sang pagpatuman sang Traffic Discipline Zone.
Suno kay Treñas, ang nasambit nga lihok ang indi mangin madinalag-on kun indi magbuligay ang Public Safety and Transportation Management Office, Land Transportation Office, Highway Patrol Group kag iban pa nga ahensya sang gobyerno.
May kaangtanan diri, plano ni Treñas nga ipaidalom sa dugang nga training ang mga personnel sang Transportation Management and Traffic Regulation Office nga isa sa mga benepisyaryo sang motorsiklo nga ginbakal sang Iloilo City Government.
