PASSI CITY – Naglab-ot sa 75 ka open-pipe motorcycle mufflers ukon tambutso ang ginpangguba sang Local Government Unit sang Passi City.
Ang mga tambutso ang nakumpiska sang Traffic Management Office kag Passi City PNP humalin sang Nobyembre sa nakaligad nga tuig.
Sa interview sang Bombo Radyo kay Mayor Stephen Palmares, iya ginpahayag nga ang mga tambutso nga ginpangguba ang nagatuga sang gahod ilabi na sa tion sang kagab-ihon.
Suno kay Palmares, madamu na sang reklamo nga ginpalab-ot sa iya kag bisan siya ang nakasaksi kun daw ano ka perwisyo ang mga open-pipe motorcylce mufflers.
Ginpahayag ni Palmares nga magluwas sa magahod nga tambutso, ginapangdakop man ang mga illegal parking ilabi na sa palibot sang merkado.
