DUBAI, UAE – Nagakabalaka sa ila seguridad ang mga Overseas Filipino Worker sa Dubia may kaangtanan sa nagapadayon nga tensyon sa tunga sang Estados Unidos
kag Iran.
Sa Good Morning Philippines program, ginpahayag sang Ilongga nga si Ilyn Prevendido Valladolid sang Cabatuan, Iloilo nga makapila ka bes nga nagpaguwa sang abiso ang Philippine Embassy sa Dubai tuhoy sa kinagamo sa tunga sang duha ka pungsod.
Suno kay Valladolid, indi malayo nga maumid ang Dubai sa tion nga magtuga sang World War 3 ang airstrike sang Estados Unidos sa Iraq nga ginkamatay sang mataas nga military leader sang Iran.
Ginpahayag ni Valladolid nga bisan ang ekonomiya sang Dubai ang amat-amat naman nga naganubo bangud pila na ka mga negosyo ang nagsirado.
Sa subong, nagalaum ang natungdan nga indi lang maglab-ot sa inaway pangkalibutanon ang tensyon sa tunga sang Estados Unidos kag Iran.
