BAROTAC VIEJO, ILOILO – Pilason ang 10 ka mga persona lakip ang tatlo ka mga soldado, apat ka mga sibilyan nga sakay sang truck sang Philippine Army kag tatlo ka mga menor de edad nga sakay sang SUV sa Barangay San Juan, Barotac Viejo.
Ang driver sang SUV amo si Rene Sampani samtang ang driver naman sang truck sang Philippine Army amo si Private First Class Jasper Lawlaw.
Sa interview sang Bombo Radyo kay Captain Cenon Pancito III, tagpamaba sang Philippine Army, iya ginpahayag nga na side swipe sang SUV ang truck sang Philippine Army rason sang pagtakilid sang truck.
Suno kay Pancito, wasak ang panguna nga bahin sang SUV.
Dugang pa sang natungdan, papauli na kuntani sa Barotac Viejo ang SUV halin sa syudad sang Iloilo samtang halin naman sa Balasan ang truck sang Philippine Army sa diin nagpanghatag ini sang relief goods sa mga naapektuhan sang bagyo Ursula.
