ILOILO CITY – Pabor si Iloilo City Mayor Jerry Treñas sa ipatuman nga signal shutdown kadungan sang highlight sang Dinagyang Festival 2020.
Sa interview sang Bombo Radyo kay Treñas, iya ginpahayag nga duha ka adlaw ang ginhingyo apang mas makapaayo suno sa iya nga isa lang ka adlaw ang signal shutdown.
Suno kay Treñas, sa Enero 26 kadungan sang highlight lang ipatuman ang signal shutdown para sa seguridad sang tumalan-aw.
Ginpahayag ni Treñas nga sa Enero 25, mahimo pa nga pahanugutan ang paggamit sang cellphone kag internet para sa live coverage sang kahiwatan.
Sa Enero 26, ginpahayag sang alkalde nga hatagan sang linya ang mga katapo sang media agud nga makadul-ong sang update.
