ILOILO – Daku nga pagpanghangkat para sa Overseas Workers Welfare Administration ang pag-engganyo sa Overseas Filipino Workers sa Middle East nga sundon ang repatriation.
Sa interview sang Bombo Radyo kay Jack Arroyo, Welfare Case Officer III sang Overseas Workers Welfare Administration 6, iya ginpahayag nga sa subong, padayon ang monitoring sang ahensya sa posible matabo sa tunga sang Iran kag Estados Unidos.
Suno kay Arroyo, madamu ang Filipino Worker sa Middle East rason nga nagapanikasog gid ang gobyerno nga magpatigayon sang repatriation ukon evacuation agud nga makalikaw sa gamo.
Ginpahayag ni Arroyo nga sa pihak sang abiso, indi mahinago nga ang iban sa mga Filipino ang nagapang alang-alang nga magpauli bangud nga nagakanugon man sila sa ila trabaho.
Mas makapaayo suno sa natungdan nga sundon ang abiso sang gobyerno bangud nga indi permanente ang ginatanyag nga repatriation.
