BAHRAIN – Nagalaum ang mga Overseas Filipino Worker sa Bahrain nga indi madayon ang giyera sa tunga sang Iran kag Estados Unidos.
Sa interview sang Bombo Radyo kay Lester Sabijon, Chef sa Bahrain, iya ginpahayag nga bisan malayo ang nasambit nga pungsod sa Iran apang indi ini garantiya nga indi sila maumid sa giyera.
Suno kay Sabijon, may yara naman sang abiso ang Philippine Embassy sa tanan nga OFW nga maghanda sa posible repatriation apang sa subong, nagapabilin nga kalmado ang sitwasyon sa lugar.
Ginpahayag man ni Sabijon nga fake news ang tuhoy sa ginapahayag plano sang Iran nga bombahon ang Bahrain kag iban pa nga pungsod sa Middle East sa tion nga magbalos ang Estados unidos.
Sa pihak sini, nagaaligmat ang tanan nga OFW kag nagapangamuyo nga indi maglala ang tensyon sa tunga sang duha ka pungsod.
