ILOILO – Mas ginapili sang Philippine Army ang localized peace talks sa baylo nga national peace talks sa tunga sang mga rebelde nga grupo.
Sa interview sang Bombo Radyo kay Capt. Cenon Pancito III, tagpamaba sang Philippine Army, iya ginpahayag nga mas matutukan ang pagduso sang kalinong sang lugar kun ang mga militar sa kada rehiyon amo ang maghimo ang ila kaugalingon nga tikang agud matapos ang insurhensya.
Suno kay Pancito, ang masami rason sang mga tawo nga naga upod sa rebelde nga grupo amo nga wala mahatagan sang bastante nga benepisyo sang gobyerno.
Gani agud nga ma solbar ang nasambit nga problema, mas maayo nga mahatagan ini sang igtalupangod sa lokal.
Dugang pa sang natungdan, mismo ang national leaders sang rebelde nga grupo ang indi man sinsero sa peace talk bangud apisar ginkasugtan sang gobyerno kag rebelde nga grupo ang ceasefire, padayon sa gihapon ang pagpang-ambush sang New People’s Army.
