ILOILO CITY- Strikto nga ipatuman sang Iloilo City Government pinaagi sa Business Permit and Licensing Office (BPLO) ang ultimatum nga gin- set sang alkalde sang syudad para sa renewal sang business permits.
Nahibaluan nga tubtob sa Enero 20 ang ginhatag nga deadline para sa renewal sang business permits sa diin naga-overtime pa ang nasambit nga talatapan kag bukas man kun Sabado kag Domingo.
Sa interview sang Bombo Radyo kay Iloilo City Mayor Jerry Treñas, iya ginpahayag nga wala sang extensions sang business permit renewals nga matabo bangud nga ginhatagan na sang bastante nga panahon ang tanan.
Sa tion nga maglampas na sa ultimatum , ginpahayag sang alkalde nga personal niya nga libuton ang tanan nga mga establishments kag negosyo sa syudad kag lantawon niya kun compliant ang tanan agud indi bna masulit ang ginhimo sang Malabanan Siphoning Services nga naga-operate sa syudad nga wala sang business permit .
Sa tion nga may makita ini nga establishments nga wala nakapa- renew sang ila mga business permits, gilayon niya ini nga ipasirado.
