ILOILO – Nagalab-ot sa P300,000 nga donasyon ang target nga matipon sang mag-utod agud nga ibulig sa mga naapektuhan sang paglupok sang Taal volcano sa Batangas.
Sa Good Morning Philippines program, ginpahayag ni Yvonne Kerby Esleyer sang Igbaras, Iloilo kag isa ka recruitment specialist, nga nagabuligay sila nsang iya utod nga Overseas Filipino Worker agud nga makatipon sang in-kind donations para sa mga naapektuhan sang paglupok sang bulkan.
Suno kay Esleyer, mahimo siya nga mapakig-angutan sa cellphone number nga 09165378380 kag sa iya Facebook account nga Yvonne Kerby Mendoza Esleyer ukon sa Fundraiser project sang iya utod nga Taal Volcano : From Ashes We Will Rise.
Ginpahayag ni Esleyer nga mas makapaayo nga cash donations ang ihatag agud nga wala na sang dapat pa nga bayaran nga baggage fee padulong sa Batangas.
Bilang Ilongga, ginpahayag ni Esleyer nga malapit sa iya ang Batangas bangud nga Batangueño ang iya iloy.
