ILOILO CITY – Madahog ang baklanay sang mga manamit nga pagkaon sa Food Festival sa syudad sang Iloilo.
Sa interview sang Bombo Radyo kay Punong Barangay John Eric David sang Veterans Village, Iloilo City kag Presidente sang Association of Barangay Captains sa City Proper, iya ginpahayag nga mas nagadugok ang mga tawo sa tagsa ka kiosko sa tion sang gab-i.
Suno kay David, ang mga kiosko ang napahamtang sa dalan Valeria, Iznart kag Solis sa City Proper.
Ginpahayag ni David nga lunsay mga Ilonggo cuisine ang ginabaligya kun sa diin ang native chicken ang kalabanan nga ginalagas sang mga turista.
