ILOILO CITY – Ginkalipay ni anay Iloilo City Councilor Joshua Alim ang pagsaulog sang Batchoy Festival nga kilala nga Ilonggo Cuisine.
Sa interview sang Bombo Radyo kay Alim, iya ginpahayag nga ginabanta duha ka tuig na ang nakaligad humalin sang iya ginduso sa Iloilo City Council ang pagsaulog sang Batchoy Festival bilang pagkilala sa syudad sang Iloilo ilabi na subong nga Dinagyang Festival.
Suno kay Alim, indi mahinago nga bisan sa iban nga lugar sa Pilipinas kag sa luwas sang pungsod, kilala ang La Paz Batchoy.
Ginpahayag ni Alim nga kasubong sa iban nga lugar nga may yara sang kaugalingon nga Food festival, ang syudad sang Iloilo ang dapat nga may yara man sang ipabugal.
Sa subong suno sa natungdan, opisyal na nga ginkilala ang Batchoy bilang food trademark sang syudad sang Iloilo.
