ILOILO CITY – Madamu sang dapat nga ipasalamat sa Ginuo.
Ini ang kaundan sang mensahe sang common law-wife ni Presidente Rodrigo Duterte nga si Honeylet Avanceña kadungan sang highlights sang Dinagyang Festival 2020.
Suno kay Avanceña, ang Dinagyang Festival ang isa ka paagi sang pagpasalamat sa Ginuo apang ang pagpatigayon sang nasambit nga kahiwatan ang indi lamang sa tion sang kasadya kundi lakip man sa tion sang kasubo.
Ginhalimbawa ni Avanceña ang kalamidad sa Batangas kun sa diin nahamtang ang bulkan Taal kag ang iban pa nga kalamidad nga natabo sa pungsod nga dapat pangamuyu-an agud nga indi na masulit.
Ginpahayag man sang natungdan nga gintuga sang Diyos nga pinasahi ang mga Pilipino kun ipaanggid sa iban nga lahi.
