ILOILO CITY – Gindayaw ni Philippine National Police Chief Police Director Gen. Archie Gamboa ang security preparations sa ginpatigayon nga Dinagyang Festival 2020.
Kadungan sang pagpadulong ni Gamboa sa syudad sang Iloilo agud pangunahan ang Dinagyang 2020 Awarding and Closing ceremony, ginpahayag sang PNP Chief nga humalin sang una, target sang PNP ang zero-related incidents sa tion nga may yara sang ginapatigayon nga aktibidad.
Suno kay Gamboa, siya mismo ang nakasaksi sang ginpatigayon nga Dinagyang Festival kag iya gid nga nakita kun ano ka hugot ang ginpatuman nga seguridad.
Gindayaw man ni Gamboa ang performance sang mga tribu nga nagpakigbahin sa kompetisyon.
Sa subong nga tuig, ginpahayag sang PNP Chief nga wala sang major incidents nga natabo kadungan sang kahiwatan.
Nahibalu-an nga ang Dinagyang 2020 Awarding and Closing ceremony nga ginpatigayon sa Iloilo Freedom Grandstand, ang gintambungan sang masobra 3,000 ka pulis sa Western Visayas lakip na ang iban pa nga katapo sang law enforcement agencies.
