ILOILO CITY – Emosyonal ang tiayon ni anay Transportation Management and Traffic Regulations Office head Engr. Jose Tengco samtang gina-istorya sa Bombo Radyo kun ano nga sahi sang tawo ang napatay nga bana.
Sa exclusive interview sang Bombo Radyo kay Susan Tengco, iya ginpahayag nga sa sulod sang 35 ka tuig nila nga pag-upod bilang mag-asawa, wala sila sang may gin-awayan nga mag-asawa bangud nga wala man nagapangakig ang iya bana.
Suno kay Tengco, mabuot sa ila pamilya apang istrikto sa trabaho ang napatay niya nga bana.
Ginpahayag ni Tengco nga antes pa man nasapwan nga wala na sang kabuhi ang 62 anyos nga anay TMTRO Head, nakita pa ini nga nagagamit sang cellphone.
Humalin sang na-stroke sang 2014, ang ila kabataan suno sa tiayon nga Tengco ang nag-atipan sa iya 62 anyos nga bana.
