ILOILO CITY – Ginahitso na sang Public Safety and Transportation Management Office ang Memorandum of Agreement sa tunga sang Land Transportation Office para sa mas istrikto nga pagpatuman sang mordernization program.
Ini ang may kaangtanan sa pagkwestyon sa mga deputized officer sang Land Transportation Office nga magkumpiska sang lisensya sang mga traffic violator.
Sa interview sang Bombo Radyo kay Jeck Conlu, pinuno sang Public Safety and Transportation Management Office, iya ginpahayag nga may yara sang otoridad ang deputized officer nga magkumpiska sang driver’s license santo sa existing city ordinance umpisa sang gintukod ang Traffic Management Office.
Suno kay Conlu, nagpabor ang desisyon sang korte nga hatagan sang kinamatarong ang mga deputized personnel kasubong sa mga empleyado sang Land Transportation Office.
Sa pagkamatuod suno kay Conlu, wala pa natapos ang Memorandum of Agreement agud nga may yara sang connection ang system sang Public Safety and Transportation Management Office kag Land Transportation Office agud nga madali nga mahibalu-an ang mga traffic violator.
Sa sini nga paagi suno sa natungdan, indi na pagkumpiskaron sang deputized officer ang lisensya sa baylo, sa system na mismo makita kun bala may traffic violation ang isa ka driver.
