ILOILO CITY – Gina abi-abi sang Iloilo City Police Office ang mandu nga kutub na lang sa katapusan sang Marso ang kahigayunan sang mga overweight kag obese nga mga pulis nga maka-angkon sang normal nga Body Mass Index.
Sa interview sang Bombo Radyo kay Police Captain Shella Mae Sangrines, tagpamaba sang Iloilo City Police Office, iya ginpahayag nga sa pinaka latest nga data, nagalab-ot sa 231 ang overweight samtang 61 naman ang obese nga pulis sa bug-os nga hanay sang Iloilo City Police Office.
Suno kay Sangrines, mas makapaayo nga ang tagsa ka pulis ang mag-install sang BMI calculator sa kaugalingon nga Android cellphone para sa monitoring sang ila Body Mass Index.
Ginpahayag ni Sangrines nga magluwas sa BMI calculator, mas makapaayo mismo nga may yara sang regular checking sa bug-at ang tagsa ka pulis kag ang data ang mahimo nga ipkumparar sa resulta gikan sa nasambit nga mobile application.
