DUMANGAS, ILOILO – Nagapabilin sa Dumangas Municipal Police Station ang 154 ka mga manug-bulang nga nagkaladakpan nga nagapa-uwak sang iligal.
Sa interview sang Bombo Radyo kay Pol. Maj. Joven Arevalo, hepe sang Dumangas Municipal Police Station, iya ginpahayag nga joint operation ang ila ginhimo kaupod ang Iloilo Police Provincial Office.
Suno kay Arevalo, may yara sang cockpit arena nga lisensyado sa lugar apang ang mga nagkaladakpan ang yara sa guwa sang arena nga nagapatigayon sang bulang ginabanta 100 meters ang kalayuon.
Ini ang ginakonsidera sang mga kapulisan nga iligal pahayag niya bangud indi na ini sakop sang arena.
Ang 154 ka mga nagkaladakpan ang wala na ginbutang sa presohan bangud pat-od nga sila ang magginutok sa baylo ginpabilin lamang ini sa guwa sang police station sa diin may yara lang sang may nagabantay sa ila nga mga kapulisan.
Dugang pa sang hepe, P26,000 nga balor sang kwarta ang ila narekober gikan sa mga nagkaladakpan.
VC OF PMAJ JOVEN AREVALO (PLS CHECK)
Samtang nagapati naman ang mga nagakaladakpan nga masobra P26,000 ang nakuha sa ila sang mga kapulisan.
Suno sa lalaki nga nagpahinago lang sang iya pangalan, nagataya lang siya sang natabo ang operasyon sang kapulisan kag natigayon nga makuha ang iya kwarta balor P5,000.
Pahayag niya, wala snag siya ihibalo nga iligal ang bulangan bangud base sa panaysayon sang mga tawo sa lugar, legal ang ginapatigayon nga bulang.
