ILOILO CITY – aduso ni anay Senator JV Ejercito ang pagpasangkad sang Research Institute for Tropical Medicine ilabi na subong nga may yara sang Novel Coronavirus health scare.
Sa interview sang Bombo Radyo kay Ejercito, iya ginpahayag nga dapat hatagan sang dugang nga pondo ang Research Institute for Tropical Medicine agud nga mapasangkad pa gid ang pagpanalawsaw tuhoy sa mga balatian kag kun paano ini matapna.
Suno kay Ejercito, magluwas sa research, dapat man nga dugangan ang workforce kag pasilidad sang nasambit nga research facility.
Kun matigayon ang nasambit nga plano, ginpahayag ni Ejercito nga mas madali nga matapna ang epidemya sa pungsod.
Nahibalu-an nga nagpadulong sa Iloilo ang senador agud magtambong sa pila ka aktibidad.
