ILOILO – Nangin madinuagon ang Iloilo Provincial Capitol bangud sa mga dekorasyon nga nahamtang sa lobby kag mga opisina sa kapitolyo.
Sa interview sang Bombo Radyo kay Freda Fajardo, executive assistant sa Iloilo Governor’s Office, iya ginpahayag nga in a relationship, inlove kag happily married siya rason nga duag pula ang iya ginasuksok kag may bahin man sang duag puti ang iya bayo.
Suno kay Fajardo, indi bastante ang in love lang rason nga may duag puti ang iya bayo nga nagakahulugan nga importante buhi.
Pahayag niya, indi man kinahanglan nga mangin enggrande ang pagsaulog sang Valentine’s Day kag indi man matakos ang pagpalangga sa material nga bagay.
Mas importante sa gihapon dugang sang natungdan ang pag-greet sang Happy Valentine’s Day kag pagpabutyag sang pagpalangga sa isa ka tawo.
Samtang tanan nga duag naman ang makit-an sa panapton ni Atty. Suzette Mamon, ang Iloilo Provincial Administrator.
Suno kay Mamon, kalabanan sa mga empleyado sa kapitolyo ang nakasuksok sang duag puti.
Nakadepende naman sa mga opisina kun magapatigayon sila sang ila tagsa ka aktibidad.
Nagyuhom na lang si Iloilo Gov. Arthur Defensor Jr. kun ngaa duag asul ang iya ginsuksok nga amo ang mga “sinaktan at iniwan”.
Nahibaluan nga yara sa Metro Manila sa subong ang tiayon sag gobernador kag padayon ang iya trabaho subong nga adlaw sa kapitolyo apisar Valentine’s.
