ILOLO CITY – Wala sang may paghulag sa room rates sa mga motel kag lodging houses sa syudad sang Iloilo subong nga Valentine’s Day.
Sa paglibot sang Bombo News Team sa mga motel kag lodging houses, nagapabilin sa gihapon ang ila room rates.
Sa Sofia Lodge, yara sa P190 ang sukot sa una nga tatlo ka oras kag P60 naman ang dugang sa kada excess hour.
Sa Green Dragon Lodge, nagalab-ot sa P240 ang short time samtang P1,500 naman ang sukot sa room with videoke sa una nga tatlo ka oras.
Nagalab-ot naman sa P190 ang room rate sa Katrina Lodge sa una nga tatlo ka oras, P60 sa kada excess hour kag P70 naman sa tagsa ka excess person.
Lunsay nagpamalibad nga maghatag sang pahayag ang mga room boy ukon ang manager sang tagsa ka motel kag lodging houses apang suno sa ila, hugot nga ginadumili-an ang pagpasulod sang mga minor de edad.
