ILOILO CITY– Nakasugod na sa pagpangdakop ang Public SafetyTransportation and Management Office sa mga nagajaywalk sa nagkalain-lain nga dalanon sa syudad sang Iloilo.
Sa interview sang Bombo Radyo kay Jeck Conlu pinuno sang nasambit nga talatapan, iya ginpahayag nga may yara na sang mga nagkaladakpan bangud sa paglapas sang anti
jaywalking ordinance.
Suno kay Conlu humalin sang Pebrero 12 sini nga tuig, 26 na ang ila nagkaladakpan sa diin anom diri ang nagikan sa Benigno S. Aquino Jr. Avenue, Mandurriao Iloilo City traffic
discipline zone, kag 20 naman ang nagikan sa distrito sang La Paz.
Pahayag pa ni Conlu, dako nga pagpangkat sa ila ang pagpanakop sang mga nagalapas sa ordinansa bangud may yara gid sang mga nagapaisog-isog sa tion nga sila ang
magkaladakpan.
Dugang pa sang natungdan, ginadala nila sa pinakalamapit nga police station ang mga ginapangdakop nga nagapangharrass sa mga katapo sang ila talatapan.
Nagapangayo naman si Conlu sang kooperasyon sang mga pumuluyo agud mas pamatuman ang ordinansa sang syudad kag magamit sang husto ang mga pedestrian lanes.
