ILOILO CITY – Duha ka botika sa syudad sang Iloilo ang nakita nga nagabaligya sang tuman ka mahal nga alcohol.
Ini ang may kaangtanan sa ginpanugyan sang Department of Health nga Suggested Retail Price sa medical supplies may kaangtanan sa Coronavirus Disease (COVID)-19.
Sa interview sang Bombo Radyo kay Department of Trade and Industry Region 6 Officer-in-Charge Felisa Judith Degala, iya ginpahayag nga may yara sang Suggested Retail Price nga dapat sundon ang mga botika sa pagbaligya.
Suno kay Degala, ang duha ka botika nga nagabaligya sang mas mahal nga alcohol ang nahamtang sa City Proper kag Jaro.
Ginpahayag ni Degala nga santo sa Suggested Retail Price, ang 500ml nga alcohol ang dapat nga ibaligya sa P74.25 samtang P41.74 naman ang 50ml.
Santo sa monitoring nga ginpatigayon sang Pebrero 10, naglab-ot sa P3.25 tubtub P7.75 ang ginapatong sa medical supplies.
Wala na ginhingadlan sang natungdan kun ano nga botika ang wala nagasunod sa Suggested Retail Price kag kun ano nga brand sang alcohol ang ginpataasan sang presyo.
