ILOILO – Nagapadayon ang Cyber Patrolling sang Philippine National Police tuhoy sa nagapalapta sang fake news may kaangtanan sa Coronavirus Disease (COVID)-19.
Sa interview sang Bombo Radyo kay Police Lt. Col. Joem Malong, tagpamaba sang Police Regional Office 6, iya ginpahayag nga sa Western Visayas, wala pa man sang may na monitor nga source sang fake news tuhoy sa nasambit nga virus.
Suno kay Malong, ginahibalo sang Anti-Cybercrime Division ang account nga nagpalapta sang sala nga impormasyon kag kun makumpirma, may yara sang kaso nga igapasaka.
Ginpahayag ni Malong nga sa rehiyon, naka-alerto ang Regional Anti-Cybercrime Division kag sa pagkamatuod, madamu na ang mga napasakaan sang kaso bangud sa pagpalapta sang sala nga impormasyon batok sa isa ka tawo.
