ILOILO – Laoman nga sa Hulyo 2021 matapos ang construcktion sang Ungka Flyover sa Sen. Benigno S. Aquino Jr. Avenue kag Iloilo Circumferential Road sa Ungka II, Pavia, Iloilo.
Sa interview sang Bombo Radyo kay Ilonggo Senator kag Senate Minority Leader Franklin Drilon, iya ginpahayag nga 18 ka bulan ang schedule sang pagtukod sang Ungka Flyover.
Suno kay Drilon, ang duha ka mga taytay ang may pondo nga P900 million.
Sa bahin sang Aganan flyover, may yara ini sang desenyo kaangay sang letra nga “Y” amo man sa mga pagatukuron pa nga taytay sa Hibao-an , Mandurriao kag sa Buhang sa Jaro.
Kun Panay-Guimaras-Bridge naman ang paga-istoryahan, suno kay Drilon, gina-obra na sa subong ang detailed engineering design.
Ang detailed engineering design ang magadugay sang isa ka tuig kag ginalaoman nga maga-umpisa ang construction sang taytay sa 3rd quarter sang 2021.
Pahayag sang senador, apat ka tuig ang construction cost sang Panay-Guimaras-Negros Bridge sa diin ginabanta 1st qaurter sang 2026 matapos ang nasambit nga taytay.
