ILOILO CITY – Pagpasangkad sang police visibility kag pagtapna sang nanari-sari nga krimen ang pagasentruhan ni Police Col. Eric Dampal bilang Officer-in-Charge sang Iloilo City Police Office.
Sa interview sang Bombo Radyo kay Dampal, iya ginpahayag nga apisar manubo ang crime rate sa syudad sang Iloilo apang luyag niya nga masolbar ang mga krimen ilabi na ang twin shooting incident kun sa diin duha ang patay.
Suno kay Dampal, isa man sa luyag niya nga tapnaon amo ang motor-riding incidents kun sa diin mabudlay ang pagkilala sa mga suspek.
Ginpahayag ni Dampal nga ini ang iya labing una nga assignment sa Police Regional Office 6 bangud nga ang ginhalinan nga assignment ang yara sa Mindanao.
Nahibalu-an nga umpisa subong nga adlaw, si Dampal na ang Officer-in-Charge sang Iloilo City Police Office.
