ILOILO CITY– Ikaw bala ang tuman na ka stress sa trabaho, nadulaan na sang gana sa kabuhi kag nagakinahanglan sang inspirasyon? mahimo nga ang pagkadto sa beach ang solusyon sa imo problema.

Suno kay J. Aaron Hipp, Ph.D., environmental health expert, ang paglakat sa beach nga nagatiniil lang ang makapanubo sang chronic pain, fatigue kag iban pa nga sakit.

Ang paglangoy sa baybayun ang makabulig agud pakigbatu-an ang mga impeksyon sa lawas,bangud ang tubig dagat ang may mataas nga lebel sang mga mineral kaangay sang magnesium, iodine, kag potassium

Makabulig man ini agud makuha ang mga negatibo nga elemento nga nagapagamo sa imo kaisipan kag nagapadugang sang stress.

Ang pagpadulong sa beach ang isa man sa makabulig agud mas mangin produktibo ka sa imo pagbalik sa trabaho kag mas mapagwa mo ang imo creativity.