ILOILO CITY – Naglab-ot sa 2,908 ang traffic violations umpisa sang ginpatuman ang Traffic Discipline Zone sa Sen. Benigno Aquino Jr. Avenue, Mandurriao, Iloilo City.
Sa interview sang Bombo Radyo kay Jeck Conlu, pinuno sang Public Safety and Transportation Management Office, iya ginpahayag nga lakip sa Top 5 violations amo ang illegal parking, obstruction, jay wakling, counter flowing kag indi pagsunod sa traffic signs.
Suno kay Conlu, humalin sang ginpatuman ang Traffic Discipline Zone sang Enero 16, naglab-ot naman sa 66 ang namultahan bangud sa jay walking samtang 500 naman ang gin-warningan.
Ginpahayag ni Conlu nga kalabanan sa violations ang natabo sa una nga semana sang pagpatuman sang Traffic Discipline Zone kag target sang Public Safety and Transportation Management Office nga mapanubo ang numero sang mga nagalapas sa traffic rules and regulations.
