ILOILO CITY – Ginabanta nga magalab-ot sa 20,000 tubtub 30,000 ang magapakigbahin RUN for Jesus 2020.
Sa Good Morning Philippines program, ginpahayag ni Dr. Robert Senining sang RUN for Jesus 2020, nga ang nasambit nga aktibidad ang patigayunon sa Pebrero 27 sa La Paz Plaza Football Field, umpisa 5:00 sa hapon tubtub 9:00 sa gab-i.
Suno kay Senining, ang nasambit nga kahiwatan ang indi lamang para sa Christians kundi bukas ini para sa tanan nga maluyag magtambong sa free admission nga praise and worship event.
Ginpahayag ni Senining nga magaserbe nga dinapit nga bisita si Sen. Manny Pacquiao samtang may magatambong man nga mga political leaders kag mga dinapit nga bisita halin sa luwas sang pungsod.
Bangud nga ginalauman ang pagdagsa sang tawo, ginpahayag sang natungdan nga dapat tandaan ang paagi agud nga makalikaw sa Coronavirus Disease 2019.
Samtang suno naman kay Pastor Rodian Parohinog, ang RUN for Jesus 2020 ang indi ‘run for a cause’ kag sa baylo, may yara ini sang madalom nga kahulugan.
Suno kay Parohinog, ang RUN ang nagakahulugan sang Revival, Unity for the Next Generation.
Magluwas sa praise and worship, may yara man sang raffle kun sa diin ang ticket ang libre nga igahatag para sa mga magatambong.
