ILOILO CITY– Nagpamalakpak sa kalipay ang beautician nga regional winner sa ginhiwat nga grand draw sang 1-2 Panalo Part 18 Promo sang Bombo Radyo kag Star FM matapos nga nabaton ang P50,000 nga premyo.
Sa interview sang Bombo Radyo kay Veronica Abad Alelis, iya ginpahayag nga indi matakos ang iya kalipay sang nalawagan ang iya pangalan bilang tagdaog sa promo sang Bombo Radyo.
Suno kay Alelis, ini ang una nga bes nga nagdaog siya sang tuman ka dako nga premyo kag ang kwarta nga iya nadag-an ang pagagamiton niya sa pagbakal sang kinahanglanon kag ibayad sa utang.
Nagpasalamat man ang natungdan sa Ginoo kag sa Bombo Radyo nga nahatagan siya sang kahigayunan nga makadaog.
