ILOILO CITY – Nagpaathag sang simbahan Katolika sa pagbag-o sang pagsulundan sang Miyerkules de Badlis ukon Ash Wednesday.
Sa interview sang Bombo Radyo kay Father Angelo Collada, director sang Social Communication sa Archdiocese of Jaro, iya ginpahayag nga ang nasambit nga pagsulundan ang santu sa ginpaguwa nga abiso sang Catholic Bisops’ Conference of the Philippines.
Suno kay Collada, sa baylo nga ipalhit ang abo sa agtang sang tumuluo, ginaburibod na lamang ini sa ulo bilang preventive measure sang simbahan Katolika sa makamamatay nga Coronavirus Disease 2019.
Paathag niya, ang pagburibod sa ulo sang abo sa mga tumuluo ang temprorayo lamang subong nga tuig kag nagalaom siya nga sa masunod nga tuig mangin normal na ang sitwasyon sang bug-os nga kalibutan.
Pahayag sang natungdan, ang pagburibod sang abo sa ulo sang tumuluo ang indi na bag-o bangud ini ang orihinal na nga ginahimo sadto kag nasaad mismo ini sa bibliya.
Ang importante dugang pa sang pari amo ang kahulugan sang nasambit nga selebrasyon.
