ILOILO CITY – Padayon nga naka heightened alert ang Veterinary Quarantine Service sa mga pantalan sa Western Visayas agud nga inid makasulod ang African Swine Fever.
Sa interview sang Bombo Radyo kay Dr. Jonic Natividad, Chief of Regulatory Division sang Bureau of Animal Industry sa Department of Agriculture Region 6, iya ginpahayag nga hugot sa gihapon nga gina monitor sang mga quarantine personnel ang mga meat products nga dala sang mga tawo nga nagasulod sa Western Visayas.
Suno kay Natividad, madamo sang mga nakumpiska nga meat products ukon frozen food sa pantalan sa Caticlan nga halin mismo sa mga apektado nga lugar nga may kaso sang African Swine Fever.
Panugyan sang natungdan, kun may yara sang napatay nga baboy sa ginasagod, gilayon ini nga ipahibalo sa barangay officials agud nga matsekyar sang veterinary office kun bala positibo sa African Swine Fever ang baboy ukon sa iban nga balatian.
