ILOILO CITY – Ginakabig sang Panay Electric Company nga tiko nga rason ang nangin pahayag sang legal counsel sang MORE Electric and Power Corporation tuhoy sa pag take-over sa existing substations sa syudad sang Iloilo.
Sa interview sang Bombo Radyo kay Atty. Boy Alcantara, legal counsel sang Panay Electric Company, iya ginpahayag nga ang nangin pahayag ni Atty. Hector Teodosio ang wala nagasanto sa addendum nga ginpaguwa sang Korte.
Suno kay Alcantara, nakasaad sa addendum nga ang Panay Electric Company pa ang magadumala sa asset apang pahanugutan nga makasulod ang personnel sang MORE Power apang bilang observer gid lamang tubtub nga wala pa sang desisyon sa issuance of constitutionality.
Magluwas diri, nakasaad man sa addendum suno kay Alcantara nga yara anay sa status quo ang sitwasyon agud nga hatagan sang ligwa ang transition period.
Ginpahayag ni Alcantara nga maathag nga wala ginasunod sang MORE Power kun ano man ang mandu sang korte kag ang ginkasugtan sang mga legal counsel sang duha ka kompaniya.
