ILOILO CITY – May yara sang tatlo ka functions ang isa ka Punong Barangay sa pagpatuman sang tanan nga ordinansa ukon layi para sa kaayuhan sang ila tagsa ka barangay.
Ini ang pahayag ni Roy Defiño, director sang Department of Interior and Local Government – Iloilo City, may kanagtanan sa reklamo sang barangay official tuhoy sa Oplan Hawan.
Sa interview sang Bombo Radyo kay Defiño, iya ginpahayag nga sakop sang poder sang isa ka Punong Barangay amo ang Exectuive, Legislative kag Judiciary.
Suno kay Defiño, kun binag-binagon, makabig nga gamhanan ang Punong Barangay sa ila nasakupan nga lugar, ipaanggid sa alkalde sang banwa ukon syudad nga Executive function gid lamang ang ila trabaho.
Ginpahayag ni Defiño nga makabig nga person in authority ang mga Punong Barangay rason nga wala sila sang rason nga indi makapangsaway ukon makapangdakop sang mga wala nagasunod sa Oplan Hawan.
Kun natamaran ang Punong Barangay sa ila trabaho suno sa natungdan, mahimo sila nga makahalin sa ila pwesto.
May kaangtanan sa 45 ka barangay nga wala nakapasar sa validation sang Oplan Hawan, nagpalab-ot sang condolence ukon pagpakig-unong si Iloilo City Mayor Jerry Treñas.
Suno kay Treñas, sapulon niya sa Lunes, ang 45 ka Punong Barangay kaupod ang pinuno sang Public Safety and Transportation Management Office.
Sa pagsinapol, kinahanglan nga ipaathag sang tagsa ka Punong Barangay kun nga-a failure ang ila barangay sa validation sang Oplan Hawan.
