Pulis nga napatay sa aksidente sa Alimodian, Iloilo, plano pa kuntani nga magpauli subong nga adlaw (March 1, 2020) sa iya pamilya

ALIMODIAN, ILOILO – Plano pa kuntani nga magpauli subong nga adlaw ni PCorp. Emerson Peñarubia sa iya pamilya sa Pitogo, Pototan, Iloilo.

Si Peñarubia ang isa sa apat ka mga pulis nga napatay sang nahulog sa pil-as ang truck nga ila ginasakyan sa Brgy. Ginomoy, Alimodian, Iloilo.

Sa interview sang Bombo Radyo kay Shiela May Peñarubia, tiayon sang pulis, iya ginpahayag nga indi niya mabaton nga nadula ang iya bana bangud kahapon sang aga naka text pa ini sa iya nga mapauli siya subong nga adlaw.

Ang mag-asawa ang may isa ka bata naga edad sang lima ka tuig.

Suno sa tiayon, ulihe nga pauli sang iya bana sang Pebrero 18 pa.

Pahayag niya, posible nga napilpilan sang truck ang iya bana bangud patal nga pilas ang naangkon sang biktima.