DAEGU, SOUTH KOREA – Isa lang ang ospital sa Daegu, South Korea ang nagabaton sang pasyente nga positibo sa coronavirus disease 2019.
Sa interview sang Bombo Radyo kay Jomar Lenar, Presidente sang Ilonggo Community sa Daegu kag tumandok sang Maasin, Iloilo, iya ginpahayag nga ang iban nga mga ospital ang wala nagabaton sang mga pasyente nga positibo sa COVID-19.
Suno kay Lenar, ang ospital nga nagabaton sang pasyente ang iya sang gobyerno.
Daw kaangay man nga ghost town ang lugar bangud wala sang tawo sa mga dalanon kag ang mga establisimento ang nakasirado magluwas sa Department Store.
Plano pa niya kuntani nga maguwa kahapon sa iya nga ginatiniran apang madamo pa sang mga virus nga nagapabilin sa lugar base man sa mobile application nga naga detect sang lugar nga may yara sang COVID-19.
Pahayag niya, kun sadto nagadagsa pa ang mga tawo sa Daegu kada Dominggo nga adlaw apang sa subong, wala na sang may nagalagaw.
Sa baylo nga maglagaw, mas ginapili na lang sang mga Filipino nga mag overtime sa ila nga trabaho agud nga malikaw ang paglaton sang virus.
