ILOILO CITY- Naglab-ot sa kapin 500,000 ang balor sang natuga nga halit sang nagluntad nga sunog sa Sitio Woodstock, General Hughes, Iloilo City Proper.
Sa interview sang Bombo Radyo kay Fire Officer 3 Judz Romaquin , arson investigator sang Bureau of Fire Protection-Iloilo City, iya ginpahayag nga malapad ang area apang ikit-ikit ang mga balay nga gindugangan pa sang mamadlos nga hangin rason nga madasig nga naglapta ang kalayo.
Suno kay Romaquin,wala pa natumod kun illegal connection ang gintunaan sang sunog apang may mga recoveries nga mga electrical wiring gani posible kuryente ang ginhalinan sang kalayo nga naghalin sa balay ni Juanito Camigue.
Samtang,duha naman ang napilasan sa sunog nga amo sanday alyas Renz, 15 anyos kag Martel Isulan,34, nga lunsay nag-angkon sang mga minor injuries.
Matandaan nga 24 ka mga balay ang totally burned samtang 4 ang partially burned sa nasambit nga sunog.
