ILOILO CITY– Padayon ang trabaho sang Public Safety and Transportation Management Office apisar indi magpasugot ang pila ka mga punong barangay nga mangin deputized personnel agud makapanakop sang mga naga illegal parking.
Sa interview sang Bombo Radyo kay Iloilo City Mayor Jerry Treñas, iya ginpahayag nga wala man sang problema kun indi maluyag ang iban nga mga punong barangay nga mangin deputized personnel.
Suno kay Treñas, pagahimuon sang Public Safety and Transportation Management Office ang ila trabaho nga pagpanakop sang mga naga illegal parking.
Nagdugang na siya sang personnel para sa Public Safety and Transportation Management Office agud nga mapatuman sang husto ang Oplan Hawan.
