ILOILO CITY– Magapalab-ot sang bulig ang Iloilo City Government sa kapulisan agud mapasigurado ang kalinong kag katawhay sa syudad sang Iloilo.
Sa interview sang Bombo Radyo kay Iloilo City Mayor Jerry Treñas, iya ginpahayag nga luyag niya nga may yara sang substation kag station agud malab-ot ang handum nga makaangkon sang 10 ka police stations sa syudad sang Iloilo.
Luyag man niya suno kay Treñas nga makahatag sang dugang nga motorsiklo para sa Philippine National Police.
Pangitaan man niya sang pondo ang pagbakal sang body cameras para sa transparency sa tion nga may yara sang police operations.
