ILOILO CITY – Kinahanglan nga may magpanindugan agud nga mapasakaan sang kaso ang mga miyembro sang Regional Drug Enforcement Unit nga nagpatigayon sang kontrobersyal nga buy bust operation sa syudad sang Iloilo sang damlag lang.
Sa interview sang Bombo Radyo kay Police Lt. Col. Joem Malong, tagpamaba sang Police Regional Office 6, iya ginpahayag nga wala sang development sa kaso kun wala sang may manindog nga tagreklamo.
Suno kay Malong, nagakinahanglan sang solid conclusion agud nga mapamatud-an nga may yara gid man sang koneksyon ang ginapahayag abduction kag ang buy bust operation.
Ginpahayag ni Malong nga wala sang dapat nga kahangaw-an ang mga tagreklamo bangud nga mas mataas ang Police Regional Office 6 kun ipaanggid sa Regional Drug Enforcement Unit.
Sa pihak sang kontrobersiya, ginapanindugan naman sang Regional Drug Enforcement Unit nga wala sang abduction nga natabo sang ginpatigayon ang buy bust operation.
